الراي نيوز - حلت الإعلامية منى الشاذلي ضيفة ببرنامج ABtalks مع الإعلامي أنس بوخش، وهي المرة الأولى التي تظهر كضيفة وليست مذيعة، كشفت فيها العديد من الجوانب الشخصية وعلاقتها بزوجها وكيفية تعارفهما.

تحدثت منى الشاذلي، عن قصة تعارفهما وقالت: "لما قررت أسافر إيطاليا علشان أشتغل قررت إني مقعش في الحب وأركز في شغلي ومستقبلي لكن وقعت في الحب وفي الأول لا كنت بطيقه ولا هو كان طايقني كنا بنضطر ننزل مع صحابنا علشان مش بنطيق بعض لحد ما بقينا عايزين نقعد لوحدنا وقد كان ومعظم العلاقات اللي بتبدأ بخناق بتعيش لمدة طويلة".

وأضافت منى الشاذلي: "أنا وهو الآن أتممنا 25 عاماً مع بعض، وأنا وجوزي متناقضين في كل حاجة".

وتابعت: "زوجي مش رومانسي، لكنه حنون ورجل عائلة عظيم، لكنه راجل عملي، ومش بنزعل من الاختلاف بينا".

وأكملت منى الشاذلي: "الولاد والبنات لازم يتربوا على تحمل المسئولية، والحب حاجة والحياة الزوجية حاجة، ولو اكتافك متتحملش المسئولية متتجوزش، لازم تربي أولادك على أنهم يشيلوا المسئولية ويتحملوا ضغوط الحياة، غير كدة هيبقى جواز عيال، فالحياة الزوجية محتاجة مجهود كبير".